Gelatine Mask for blackheads

صباح الخير ..
اول شي احب اكتب تجاربي من بعد مدة استخدام حتى اكون أخذت نتيجه حلوه ، ان شاء الله حتى انتم تستفيدون نفس الفايده اللي لقيتها ..
المهم :D
الرؤوس السودا اللي على الخشم مره منظرها مو حلو وبالأساس هي دهون لازم تطلع عشآن تنتفس بشرة المنطقه ..
شفت هالماسك زمان قبل سنه ونص وجربته يومها وصراحه روعه شال كثير من الرؤوس السودا واللي بشرتهم دهنيه استخدموه ع ال T zone الي هي الجبهه من النص والخشم والذقن ..


اول شي جيبي ظرف جيلاتين بدون نكهه طبعا وفنجال صغير حليب سائل ويفضل مؤ بودره
اخلطي الحليب مع نص ظرف جيلاتين راح يتكلكع
ويصير شكله بايخ :)

حطيه بالمايكروويف قليل بس يذوب لاتخليه يغلي

مدي طبقه ثقيله ع الخشم او الجبهه والخشم والذقن

وخليه ينشف تماما تحسيه صار مشدوووووود لو حاولتي تشيليه وهو زي المطاط ماراح يطلع لك اي رؤوس سودا خليه لانشف تماما وقشريه وشوفي ايش طلع فيه :D

غسلي وجهك ورطبيه بكريمك العادي وانصح بكريم غارنيه ممتاز وكرري الماسك كل اسبوعين او بالشهر مره .. 

O take care

A good thing

hello 

كنت في لايف ستآيل ابي mug 

وشفت شموع احجآم وآشكال وروآئح جديده مو الاشياء اللي متعودين عليها

وشفت وحده بيج " لايقه ع غرفتي " وريحتهآ فآنيليآ و كرآنبيري 

وشميتها صدق ريحتها تجننننن مو قويه تكتم ولا شي 

اخذتهآ ب 42 ريآل ولمآ ولعتها صراحه ريحتها ملت الغرفه ومو بكتمه 

واحلا من الفواحه ف اللي تحب الشموع والروائح الهآديه تآخذهآ وهذآ المقاس الوسط

فيه اكبر ب الستين سعرهاا وانا اشوف ان هآذي كبيره :D 

take care  :$

beauty tip

مسآء البرد :)

 <  متجممده 

إن شآء الله إن الجميع بخير وصحه وعافيه 

بقولكم اليوم على شي طبيعي ويفيد بمدة قصيرة ..

اولآ انآ عندي تحت العين مو هالات بس كذا مو مشرقه ومنوره 

ومو شي صحي إنو احط كونسيلر كل م طلعت أو كل يوم بالجامعه .. 

سو من زمان واسمع إن أكيآس الشاهي مفيده لتحت العيون وحتى للعيون نفسهآ

وبدات صرت كل 3 أيام اجيب كيس ليبتون احطه بمويه حآره واخذه اعصره شوي 

واحطه ع عيني واخليه ربع ساعه استرخي فيهآ " إستغلي الوقت ذآ بالتسبيح والاستغفار"

والحمدلله من بعد 4 او 5 استخدام حسيت والله المنطقه صار فيها نظآره واشرآق 

وأحسن من قبل بكثيييييييييرر ,, try it and let me know !!  

love u .. 

do u want a white teeth !

مررحبآ 

كلنا ودنآ ب اسنآن بيضا بس الليزر مكلف ويسبب حساسيه للأسنان

دايم اسمع ب إن الفراوله مع بيكربونات الصودا تبيض الأسنان او تفتحهم , مآصدقت ! :D

قلت اجرب مو خسرآنه شي وجبت حبة فرآوله و ملعقه كبيرة بيكربونات الصودا 

هرست الفرآوله وحطيت عليها البيكربونآت وتسوي آصوآت فوران عآدي :D

بعدين فرشت فيهم أسنآني والباقي فركت اسناني ب اصبعي وخليته بفمي 3 دقايق

انتو خلوه اكثر مده تقدرون عليها وكرروهآ كل اسبوعين وبتلاحظون الفرق إن شاء الله  

beauty tip

كثير يعانون من آن الروج اللي اشتريتيه مآيطلع نفس اللون لآحطيتيه ع شفآيفك

بالذات الفوآتح والسبب ان شفايفك لونهآ غامق اللي فوق غير عن التحت والاغلب اغمق وهذآ شي عادي وترآ يآبنآت الجلسه بالشمس تسبب انو الشفايف تغمق .. 

* فيه بأغلب الصيدليآت والسوبر مآركتآت مرطب نيتروجينآ الحلو فيه نسبه حمآيه من الشمس 

عندي مده وحسيت شفايفي لونها مره احسسن من بعد استخدآمه :) 

سعره 14 ريآل

نرجع للروج :D

اهم شي ان شفايفك تكون مرطبه ومافيها جلد ميت لآن مستحيل يطلع الروج حلو

اوك قبل لاتبدأي تسوين مكيآجك حطي من هالمرطب او اي شي لو فآزلين خلصي الفآونديشن والحواجب والعيون لاوصلتي تكون شفايفك مترطبه وطريه امسحي المرطب بشويش  البآليت هذآ من ميك آب فوريفر ممتآز 

خذي من اللون الابيض وحطي شفايفك بطريقه خفيفه مو طبقه سميكه طبطبه وآذآ ماعندك عادي كونسيلر 

يوفي بالغرض لاحطيتي خليه ينشف دقيقه بعدين حطي روجك وراح يكون نفس اللون اللي تبين :$

have a nice day all 

Kate Moss' Lipstick Collection for Rimmel ♥

صبآح الخير 

راح اوريكم اليوم مجموعة كيت موس ل ريميل لندن 

كيت موس عارضه ازيآء اشهر من نآر ع علم :D

وريميل لندن لآين من ريميل للـ lipsticks 

المجموعه فيهآ 8 ألوآن هاذي السوآتشز 

آلآلوان مافيها شي مميز
حبيت الاورنج والنيود ♥
نزلت المجموعه ممن مده في سنتربوينت  ولآيف ستآيل واكيد اي ستآند ل ريميل :)
سعر الروج اقل من 50 ريآل بالاربعينات بس مو متأكده  :D
يفترض آنهآ lasting finish 

يعني مآتروح بسهوله , وآن شآء الله راح اخذ النيود هاليومين ورآح آسوي بوست عنه 

C U 

my best new show :$

the 2 Broke girls
is definitely growing on me. Though sometimes i'm  like, "what?" I still keep coming back for more. I hope that it keeps running for a second season. I would like an hour of it a week. They discuss many issues that people do have in the real world, over coming obstacles and problems in life etc
it`s so so funny iam in love with theme plz check it out and tell me what u think !

see U